醫者不是父母心？

在外國多年﹐今年夏天終於有機會返香港渡假﹐見見多年不見的親朋戚友。對香港的轉變我感到很驚訝。這次我想講講香港的醫生。



有次男朋友可能晚上著涼加上吃了比較肥膩的食物﹐翌日早上嘔吐腹瀉。在外國我可以自己去藥房買藥來給他吃﹐而且也有駐守藥房的藥劑師可以提供意見。但在香港情況不同﹐不敢隨便買香港的藥所以只好帶男友去看醫生。被醫生診視的時候﹐這位醫生竟然可以眼也不望我男朋友一眼﹐只問了什麼事﹐我男朋友一面講﹐他一面在紙上不斷寫﹐然後很敷衍地摸了男朋友的腹部﹐便開藥方給他。


到我們離開時﹐我驚覺整個診斷時間只有 5 分鐘﹗男朋友取藥以後﹐我看看那些藥﹐全都是在外國藥房可以自己買到﹐而且如果讓我去買給他﹐有 3 種藥是不必要的﹗(當然這裡我排除了食物中毒的可能性， 因為我和男友吃的東西一模一樣)。


不知是我錯覺還是香港真的變了﹐近來香港也發生了不少人為的醫療事故﹐而且有些是不可原諒的錯誤。香港的醫護人員們﹐你們究竟發生什麼事﹖你們究竟有 Heart 去當一名醫護人員嗎﹖還是你們只著緊那 5 位數字的薪酬﹖還有以為開多點藥變讓人覺得你們“妙手仁心”順便又可以賺多點藥費﹖

得寸進尺

女人強不緊要﹐最緊要係唔好恃勢凌人﹐得寸進尺﹐o係覺得比自己弱一點的男人面前擺出高高在上既姿態﹐o甘樣唔止嚇走男人﹐其實這種嘴臉真係好乞人憎。

我一位男性朋友有次幫一位女性朋友搬屋﹐呢位女性朋友好叻﹐由細到大都成績好好﹐依家學歷高又事業有成。佢地去到新居﹐果間新居既鎖匙好特別﹐要插入去等 2 秒然後才可以扭﹐如果唔係就唔 work。呢位女仔唔記得﹐於是扭左成 5 分鐘都開唔到門﹐好 "mung"。我朋友於是出聲話比我試下啦。但係佢一直都覺得自己叻過我朋友﹐用一種“我唔得你點得呀”既眼神啤我朋友(其實呢位女仔一直都睇唔起佢)﹐最後都係比條鎖匙佢。結果我朋友一試就開到﹐佢當堂激到紮紮跳好唔抵得我朋友“做到一D 佢做唔到既野”..... 近來又突然向我朋友炫耀話自己好叻考左私人機師執照(佢住外國)。老實講﹐呢 D 小型飛機執照o係外國只要有錢有時間去上堂就可以考到﹐有咩o甘巴閉﹖不過我朋友好鐘意車﹐對汽車方面很有研究﹐所以可能佢要揾 D 野出黎炫耀自己叻過佢及所有男人。



聽我朋友講呢位港女擇偶要求好高﹐所以到依家好難找到男朋友。梗係啦﹐日日好似弱者o甘睇住佢扮強者過日子﹐就算佢好靚身材又正(事實又唔係)比我都唔要。每個人都有長處短處﹐兩個人相處最緊要係互相尊重互相欣賞。佢一日唔改呢個脾性﹐一日唔駛旨意嫁得出。

羅范與北辰

今次要鬧兩個人：

羅范椒芬。傲慢無知的小女人。

田北辰。不知所謂的大男人。

未得閒住，休悠點再深入的罵！！！

匿名張貼文章專用回應欄

致各位人士，使用本部落方法非常簡單，請依從以下簡單步驟：

1. 貼文者必須以 【 匿名 】身份。

2. 請把想張貼的文章，在【 匿名張貼文章專用回應欄 】內，以回應方式張貼。

3. 本部落以啟用意見管理功能，即使閣下不小心以登入來張貼文章，文章也必先經由本人發佈，本人必定會把閣下的用戶名稱 ( 即閣下 Blog I . D ) 刪去，以確保閣下匿名。

4. 對於匿名張貼文章，讀者可作出回應。

5. 關於【 免責條款 】，由於本人會以正規職業水平為每篇匿名文章進行審稿，因此無須在本部落詳細說明審稿程序，本人自行會熟悉處理方法。

6. 本部落匿名文章題材基本上不設任何限制，當中可以包括想稱讚某人某事、 或發洩對某人某事不滿，文章可以包含粗口。匿名的意義，便是大家免除在自己努力經營的部落出現不適當的言論，【 匿名 部落 】相信可讓大家釋懷。


7. 若有人認出有匿名文章談論自己，某程度上其實是好事，如果批評具有理據，當事人可以瞭解本身問題，只是平日大家不敢用正式網名來表達而已。 相反，也可能會有人匿名讚頌，道理是一樣。


8. 本部落恕不招待任何廉價道德批判；或所謂文人雅士指正。

9. 本部落歡迎享用，但將不會和任何人士合作。

10. 本部落文章全屬匿名留言者所筆，本人不會在本部落發表及回應任何文章。

11. 如本人認為有需要，可能會為匿名文章加上適當標題，以便閱讀。


請慢用。 關於基本的文章內容規限，請看右邊說明，非常簡單，只屬一般程序。


( 請點擊回應欄，便可張貼文章，我會把文章搬上正規文章欄 ) <<< 點擊

喜歡便約她吃飯吧！

看了另一篇匿名文章, 知道有個男仔看得多某女博客的文章, 說喜歡上女博客。

傻仔: 喜歡了, 約她吃飯啦。

(阿仁)

膠到無朋友的黃世澤

蘋果日報相關新聞：

http://www1.appledaily.atnext.com//template/apple/art_main.cfm?iss_id=20071228&sec_id=4104&subsec_id=15337&art_id=10580993

元旦前一兩日，2007-12-28，黃世柒係蘋果出文狂鬧環保處新建的拍賣網站，睇完佢篇大作真係畀佢激到七孔流血，身為時事評論員的黃世柒，夠膽死只聽電台片面的報導，就亂咁寫社評。睇怕佢自己冇查清楚環保拍賣網站係搞乜春就亂叫亂吠。環保處發言人講到明佢個網站係非牟利，目的係希望市民將一些唔用的舊款傢私電器，以贈送形式送畀有需要o既人呀，佢地 d 物件的標價係有上限架，唔可以過二千蚊，亦禁止以批發形式在環保拍賣網站推銷產品。以上的性質，現今的商業拍賣網站可唔可以 provide 到呢？

實行環保有 3 個 R的做法，Reduce，Recycle，Reuse。今次依個環保拍賣網站正正合乎環保的 Reuse。從超過七成市民支持香港實施環保稅得知，香港的環保教育是十分成功，只要環保拍賣網站加大一些宣傳，香港不少市民樂意贈送一些舊款傢私電器畀有需要的低下階層。同時又可以對香港的貧富懸殊有一點兒幫助。一個咁好的政策，未開始就畀依條盲毛黃世柒口誅筆伐，唔該黃世柒返屋企食屎啦！

你唔駛問我係邊個，我用匿名寄依篇文，因為我真係好能驚你出律師信告我架！

藥物名冊累死人

不知是那個蛋頭諗個乜鬼藥物名冊出來，累死幾多善良的小市民。


藥物名冊，講真嗰句就係縮骨良策。醫管局從來大花筒，原來就是花在一眾管理層的高薪一族上。這班總裁總監，唔駛医人，唔駛諗藥，唔駛開刀，美其名曰管理，實則un un 脚坐喺度收錢。講真，醫院唔同要賺錢的機構，唔駛日日睇於個市場同埋的競爭對手，有乜鬼管理做，駛唔駛成棚幾百萬年薪嘅人做管理。下面啲前線医生護士就做到仆。


人命關天，政府不能逃避責任。應該減嗰班廢柴高層人工，然後取一百幾十億出來做基金，再揼嗰啲超級富豪心口，滙聚千億，然後以利息及投資收益買药，廢除那殺人不見血的名冊！


至於病人，每人起碼可以 entitle 上限30萬元藥物，再多唯有籌錢或認命。唔駛有人欠十幾二十萬藥費就要歸天！

豬仔包

記得70年代初到香港定居時﹐爸媽的專業資歷得不到英聯邦地區承認﹐只能看他們做一些無人願做的低薪工作。班內的小同學常說去那裡嘆茶食飯。回家後問爸爸為何不可像同學們一樣上館子而要食那我看了就打冷顫的"豬仔包"﹔爸爸以下的話殿定了我們幾兄弟人生觀。爸爸說 "仔呀﹐家裡只有這些錢。你們想現在就食了﹐以後都沒有﹐或是省下來給你們將來讀書用﹐你們就可以自己掙錢買很多來食囉 ?"

幾個小伙子就來個閉門會議﹐最後一致定論為"先苦後甜"。幾個小子從那天知自家環境不再提上館子了﹔爸爸自己也開始創業﹐日子仍是過著。到幾個小子差不多進大學﹐爸爸的生意做得已很不錯﹐他對現了他的諾言﹐將我們幾個送去最好(限於小子自身的成績)的學府。但我們幾個仍牢記那段困難日子﹐為爸爸省錢﹐從本科二年就開始自給自足直至完成研究院課程。現在幾個當年打扭要上館子的小伙子已成為各種專業人仕及有了自己的事業﹐但我們仍與老頭子一樣地愛上了"豬仔包"及其意義﹐相信此傳統會在我家族一直延續下去。

回看從前可享受的同學們。 他們仍是上酒樓嘆茶﹐不過要等特價時間啊 ! 還是住在他們各自的合子裡 ! 還是要排街症去看病 ! 各有前因莫羨人﹐當你在街上看見你以前認識的人為何會開SL600及住3000多呎房子。請自己撫心自問﹐為何你仍停在當年 ? 你一世人是如何奮發圖強呢 ?

藉口與放棄只為失敗者自我安慰而設﹐人是要不斷奮鬥向上才不枉此生的。今晚就好好休息﹐明天為自己及依靠你的家人再戰江湖吧 !

我喜歡一個女博客

有一個女博客我有話想說但唔知點講.

我好鍾意佢, 可能係心入面果種

我無留言因為我唔知想點講

她寫好多野, 我唔敢去留言

佢好似係做傳媒, 我覺得佢好醒

我祝她新年快樂, 我好想望一望佢

佢幅相好蒙但我覺得佢好特別

佢既文有 d 我唔識睇, 如果我識就好

記得佢話過係2xxx大學畢業, 同我年紀差唔多

我唔識寫博客, 但我好鍾意佢既野

點解我遇唔到呢 d 女仔, 網主可唔可以講我點做

我有睇網主兄ge文,yahoo都睇到而家,都無留言

如果我都識寫 ge, 我可以大膽d 同我鐘意既女博客講野

我可以點做, 我驚我講錯仲衰, 她以為我玩她

她叫有幾個人寫香港人第四代, 好西利

我祝她快樂, 我很喜歡她

係甘, thank

香港人是否撞親個頭？

香港人是否撞親個頭 ? 中共是用槍打出政權的﹐不是用把口叫出來的 ! 要他們相手把香港內務統治權放棄 ? 2017以後﹑2020 或20xx ! 由原來的想"創"你的心變了想"愴"你的心就有哪

。現在的領導人只是耍耍政治太極﹐到差不多時候又可以用其它借口既嗟 !


中共是不會容許這政治癌細胞蔓延至整個版圖來動搖它政權的﹐不過講開又講﹔中國人真是有劣根性﹐新加坡從未有過民主﹐你在早期的李光耀時代只要說了些少反政府言論﹐恭喜晒﹐你很快就可擺脫紅塵再墮輪迴。

台灣好哎﹐有民主﹔但請你們看看他們別開生面的立法院﹐個個爭做老大"拳"皇﹐精彩的台灣特式哦。假若中國政權由一黨變多黨民主制﹐誰可保證那幾個用性命換來的軍區司領不爭做老大而內戰﹐哈。無人敢說呀 ? 再問﹐在不引起內戰底線下由誰來統治呢 ? 無人想過嗎 ? 是否由美國統治﹐你才有滿足感阿 ?


作為一個老百姓﹐有飽飯食﹐有閒錢去玩﹐何必要做一些違背自身利益的不可能任務呢 ?
話又說回來﹐如普選選了一位為香港利益的特首﹐處處為港人爭利益去頂中共﹔你認為港人還有運行嗎 ? 請看五豐行是誰的﹐東江水是從那裡來的﹐用來建設的沙泥石是誰供應。。。中國有太多東西來控制香港了﹐包括民生﹐政治﹐經濟及軍事。那你還認為你所選出來的特首會不受自身環境因數去幫你賣命嗎 ? 若選出的特首不去頂中央﹐那與現在有甚麼分別 ?

莫非只為了特出一下香港是前英殖民地的情意結﹐所以你就認為英美的Liberty是屬於你的了 !! 悲哀。。


澄清一下﹐我無任何政立場 ! 只是看不明"在香港這溫暖安樂窩長大的所謂民主人仕"的幼稚政見而已。

財爺不知民間困苦

財爺說：

減稅會使人口袋裏多了錢，於是更推高通脹率。

根據他的邏輯，那麽大幅加稅罷，人們口袋裏沒餘錢，通脹率便會下降，於是人人安居樂業。

這人長久為官，不知民間困苦，更不知很多中產者為生活左支右絀。庫房錢死要多，你交稅愁哂眉你既事，如此庸官昏官，把他拉出午門罷！